جارى التحميل
استخدم زر ESC أو رجوع للعودة
اللى حبوا واللى دابوا
واللى فارقوا واللى سابوا
واللى كانوا ف يوم حبايب
فجأه بعدوا.راحوا.غابوا
اللى كان عاشق عنيها
عايش عمره بس ليها
من عيون الناس حاميها
فجأه بعدت عنه خالص
وهو مش عامل حسابه
وبقسوتها جت عليه
غرقت قلبه ف عذابه
واللى حب شخص خاين
عاشت عمرها كله ليه
بس غدره مكانش باين
زيف الحب ف عنيه
مره واحده ساب أيديها
روحها سابتها.راحت أليه
بس هو كان بايعها
كان دايما على طول خادعها
للأسف رفضت ف يوم
أنها تكدب عنيه
الخلاصه من ده كله
لو ف مره فارقت حد
أوعى تزعل يوم ف بعد
أوعى تبكي ع اللى سابك
أصله لو بجد حبك
كان باع الدنيا عشانك
وأدعى دايما بس ربك
يرزقك فرحه حياتك
#اللى
#حازم_طارق
المصدر: مجلة نسمات شعرية الإلكترونية
