وفاض بيا ==== بقلم الشاعر المصري/احمد ابراهيم

وفاض بيا

====

بقلم الشاعر المصري/احمد ابراهيم

==================

جريح والجرح فاض بيا

واقول ايام وهتعدى
الاقى الدمع فى عنيه
بحور تجرى على خدى
بالملم خطوتى فيا
مانا الصابر على جرحى
وتاه منى الامل وارتاح
تل الهم فوق كتفى
وشوفت البخت لقيت
فى البخت مكتوبلى
اهات وهموم ولا هيعود
فى يوم فرحى
مانا المكتوب على كفى
يموت الورد وبيصرخ على عوده
يغيب الفجر فى نهارى
ويتألم على موته
خريف الحزن هيخيّم
سواد كاسى الالم صوته
طيور هجرت انا ارضى
ولا هتعود ولو لبس الربيع توبه
انا الضايع وانا التايه على دروبه
انا المشتاق للحظة عشق
انا المكتوب على زمنى
لا يوم ترجعله احلامه
ولا يرجعله محبوبه
انا الميت فى وسط حياة
انا الضايع وانا التايه
على دروبه
انا المظلوم ظلمنى
زمانى بسكوته
وكان حكمه على قلبى
تموت الضحكه فى سكوته
ويتألم على موته
==============
بقلم الشاعر المصري/احمد ابراهيم