(حقـّا ً إنه رسول الله)... الشاعر /يحيي المصري

......
أللا ان كان من نوره مكمّل يبقى بنوره لنوره خليل
واللا ازّاى القلب اتحمـّل لحظه لقاءه برب جليل
.........
أصل شـُعاع النور من نوره جنبه شعاع الشمس ضئيل
........
هات علماء الدنيا بحالها دارسه الكيميا وبالتحليل
قولوا هيحصل إيه للماده الترابيه ف وقت قليل
لمّا تقرّب شمس الدنيا نحو الأرض مسافةميل
؟؟؟؟؟؟؟؟؟
هل هتسيب لك عالم باقى !! هل هتسيب لك بحرونيل!!
وان كان وحش ف داخل جحره حتّى ان كان سردابه طويل!!
يبقى نبينا كيف اتحمـّل لحظه لقاءه برب جليل؟؟
؟؟؟؟؟؟؟
أللا ان كان من نوره مكمـَّل يبقى بنوره لنوره خليل
أصل شـُعاع النور ..من نوره جنبه شعاع الشمس ضئيل
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
2 ـ
ياللى زعمت العلم جاوبنى هات لى دليلك بالتعليل
فى أكوان حواليك بتفســـــّر شمس .نجوم. صبح. وليل
حتـّى منامك ويـّا مـُقامك ونماء جسمك ف التعديل
إسأل عقلك مرّه الواعى مخلوق عالى الوصف نبيل
منّه هتعرف إن العالم أوجده خالق ربّ جليل
وان كان عندك شك ّ ياسـِيدنا ياللا اتفضّل هات لى دليل؟؟
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
3 ـ
أمـّا نبينا وسيدنا محمّد نور الكون ..اسمه العدنان إقرا تاريخه مكتوب عندى وعندك طبعا فى الأزمان
أنا ما هكتّر إفتح واقرا وافهم فيه قدر الإمـــكان
منّه هتفهم إنه نبينا رحمه وقاهره لكل شيطان
!!!!!!ّ
باحمِدْ ربّى عليك يانبينا قد حنانك ع الإنسان
مين فى الأمـّه يوفــّى جمايلك ياللى قهرت الظُلم زمان
دُسْتْ بقدم النور ع اللعنه وطفيت بيه حمم البركان
جيت ومحيت الظـُلم بعدلك شرق وغرب و كل مكان
ومليت قلب الناس بالرحمه بعد ما كانوا ف ماضى غيلان
!!!!!!!!!
باحمـِدّ ربـّى عليك يانبينا بيك اتبدل الظـُلم أمان
بيك الجاهل قلبه اتحوّل من تبعيّة كيد شيطان
من تبعية مخلون فانى إن كان إنسى أو كان جان
جيت ومليت الرحمه ف قلبه حتّى ياسيدى على الحيوان
4 ـ
قلت لقلمى سطّرّواكتب وصف نبينا خير ُ أنام 2
رنّت ْ ضحكة قلمى وقال لى !!! يبقى ف عقلك بُرج حمام
إوعى الفكر لَيَاخـُد عقلك جوّه ف بحر من الأوهام
كانّك فاكر إن انا قلمك إكتب يكتب ؟فى الأحلام
لكن خـُدها منّى نصيحه قبل ما يحصل بينّا خصام
إوعى الجهل لياخد عقلك تحت ستار اسمه الإلهام
كيف الأعمى هيوصف نوره كيف الأخرس يلقى سلام
هل فى مكسّح عدّى بحوره أو فى جاهل يلقى علام
إوعى الحكمه تروح من قلبك تبقى سفيه طول الأيام
إوعى لـَنَفـْسك تـِشرد منّك تبقى لباطل م الخـُدّام
إوعى الكبر يسود على ذاتك أو يتحكّم فيك بلجام
تبقى ف إيده زىّ عبيده أمّا الحكمه بعيدة تمام
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
5 ـ
عشت اللحظه ف كل كلامه ؟؟؟؟؟ غـُصْت ف نفسى انا كالعوّام
شـُفت الضلمه ف قلب ضلوعى وعقلى الواعى كلّه ظلام
كيف الهابط يوصف رفعه نفس ضعيفه ف عقل غلام
ظلم النفس ف شكل ملامحى كيف ف النور يبقى لى مقام
قبل انا مااذكـُر وصف نبينا لازم ينضّف قلبى تمام
من زخرفة الدُنيا الفانيه أصل زينتها ف قلبى حرام
كيف اتحمّل وصف ملامحه بإيمان عندى ماساوى جرام
يبقى بداية وصف نبينا التبعيه فــــى الأيــام 
عايز نوره يسكن قلبك سلّم نفسك للعــــــــــــــلاّم
نوره يطهّر ّ كل جوارحك تلقى ما فيها ذرّه ظـــــلام
نهر سلامه يسرى ف قلبك دم ّ ولحمّ وحتّى عظــــــام
يومها تشوف الدنيا الواسعه زىّ بعوضه ف وسط غمام
تلقى القلب بنوره ينوّر مين هيقـــيـّد نور بلجام
وامّا الظـَلـَمه تشاهد نورك تهرب منك زىّ سهام
أصل شعاع النور من مصدر ربّ إله اسمه العلّام
يومها ياصاحب تقدر تسرد وصف مـُحَمـّد خيرُ إمام

(حقـّا ً إنه رسول الله)

1 ـ

فين القلب اللى هيتحمّل لحظه لقاءه بربّ جليل

الشاعر/ يحيي المصرى