اللى رسمنا الحلم معاه
عشنا الامنا جوه هواه
هو بعينه قال اللآه
ويا بعادنا ضل وتاه
كان الحلم الدافئ جميل
تحت الشجرة فى ضى الليل
والعشاق بيشوفوا هوانا
ويا هوانا الكل يميل
على دقات القلب ف غنوة
على أنغام الشوق الحلوة
جاي الحب يقول مواوويل
وانتى يا غالية يا كل هوايا
عشق الروح جوايا اصيل
قمر الليل بيقول فى حكاية
بُعدك مُرٌُه يصيب الويل
ومابين شجرة توت والنخلة
نحكى بهمس الشوق حكاوينا
خوف من أى عزول يلمحنا
أو من نسمه تهل علينا
بعد العمر وبعد سنين
تاه الحلم فوسط الزحمة
توّك راجع ليا يا غالى
دا احنا رسمنا الحلم بروحنا
سيب الحب يلم جراحنا
سيب الحب يلم جراحنا