اذكرينى فى منامك / واذكرى الليل الطويل
واذكرينى فى سلامك / ياأم وجه برىء جميل
وغرقينى فى غرامك / ياللى احساسك بخيل
اذكرينى رايحه جايه / خلى احساسك معايا
خفى فى دلالك شويه / ليه تزيدى لى ف اسايا
ليكى نظره عين قويه / يشتكى منها هوايا
واذكرينى فى طريقك / واحكى عنى للقمر
خلى قلبى يكون رفيقك / زى اغصان ع الشجر
وابعدى نيران حريقك / كونى عزف على الوتر
اذكرينى ياللى خدتينى لبعيد / فى دُنيا تاه العقل فيها
ده انتى سكنك فى الوريد / ونبض قلبى شاهد عليها
قلبى فى وجودك سعيد / وليه سعادتك بتداريها ؟
اذكرينى يوم وفاتى / واندمى ع الذكريات
فكرى ف حُبى ليلاتى / عيشى فى دُنيا الاهات
واذكرى أجمل صفاتى / وقولى حُب العُمر مات