رسمت الحلم علي ورقة 
وقولت خلاص مهيش فارقة
هاعيش ايامي في أحلامي
وهنسا الحياة السارقة
وهرسم حنه في كفوفي
واقول لدنيتي شوفي
انا فرحان منيش زعلان
وهاهرب حبة من خوفي
ويمكن الف كل الكون 
وارتب حلمي كيف ما يكون
علي راحتي وعلي كيفي
مهو احسن من اعيش مجنون
منا خايف لاستسلم 
لهمي ويأسي واتألم
مفيش مره ضحك قلبي
ولا شوفته كدا اتبسم 
ومش لاقي غير أحلامي 
عشان اهرب من ايامي
ويمكن يوم هيتحقق 
واشوف الفرح قدامي