فى محطة القطار
بنشوف ناس كتير راكبين
اللي رايح واللي جاي 
وكلهم مسافرين
ناس بتضحك وناس تانيه
وشهم شكله حزين
محطه كبيره بتجمعنا 
وف التانيه مفارقين
شوفت شاب قاعد لوحده
والدموع فى عينه متحجرين
بيبكي من غير دموع
والكل له مش سامعين
بس شوفت الحزن كاسيه
والاااااااه والأنين
وعينه رايحه جايه
ومش عارف رايح فين
بنتجمع فى محطه
وف التانيه مفارقين
وست تانيه كبيره فى السن
بتكلم روحها بصوت واطي
بس ليها سامعين
بتقول ياااااه يادنيا
على شقا السنين
عشت عمري فى تعب
عشان اسعد ناس تانين
وإمتى يارب اللقا 
واكون مع الراحلين
كفايه عليا كدا
ياأرحم الراحمين
وف كل محطه 
ناس تنزل 
ويركب ناس تانين
وبنت صبيه جميله
تشبه حور العين
ومعاها شنطه كبيره
ومش عارفه رايحه لفين
وباين صحتها هزيله
وعيونها مكسورين
شكل قصتها كبيره
إجعلنا م الصابرين
فى محطة القطر كتير
ناس رايحين جاين