عملولنا مسابقه فراحة البال طلع الأول واحد شيال يشيل من هنا يودى لهنا وتملى حاسس بالهنا شايل مش عارف إيه شالو ولا شيئ فى الدنيا شاغل بالو وبياكل من عرقو وشقاه ويشيل منو لو فاض وياه الصبح يصحى يقول يا معين وعلى الشقا بك أستعين يرجع من شغلو لسريره مبسوط مفروجه أساريره بيجيلو قليل ويجيلو كتير ربك بيهون كل عسير سألوه إيه رأيك ف العالم قال فيه مظلوم وكمان ظالم وانا بين لتنين شغال شيال وبحب أنام مرتاح البال عملولنا مسابقه فراحة البال طلع الأول واحد شيال
