حبيب القلب يامسافر / وسايب روحى تنتظرك
ده انا ع البُعد مُش قادر / ولا قادر على هجرك
ونبض القلب موج هادر / بيتلهف ظهور فجرك
انا ملهوف على رجوعك / ثوانى البُعد نار قايده
حاولت أسهر مع شموعك / لقيت سهرى بدون فايده
حرقت القلب بدموعك / بلحظات حُزن مُتزايده
أخاف تجرح لى احساسى / ونار الوجد تكوينى
حروف اسمك فى انفاسى / فى ترديدها بتحيينى
وحُبك تاج على راسى / وقٌربك نور على جبينى
وامتى تعود لى من تانى / يامتغرب وناسى هواك
ياخوفى ف لحظه تنسانى / ياواخد عُمرى كُله معاك
ياطول سهرى وحرمانى / وتفكيرى فى يوم لُقياك
أكيد فى يوم هاترجع لى / بدون اعذار ولا ملامه
بفرحه قلبى اغنى لك وتسمع لى / أنام واصحى فى دوامه
بأمر الحب تحضُنى وتخضع لى / نعيش مع بعض بسلامه