أحكم يا جنابو دا منابو
قوم رد الحق لأصحابوا
حكم العلاوات بتاع المعاشات
هتسيبنا لإمتى نقولك هات
ياسعادة القاضى جيبى فاضى
وبطالبو بحقى مش راضى
فكر وروق وهات الحقوق 
صوابعنا فى الشق من الشوق
أحكم بضميرك ندعيلك
يهديلك سيرك ودليلك
بكفايه مهانه دى تعبانه
غلبانه طهقانه وزهقانه
إدونا حقوقنا وساعدونا
ماسكين رجلينا بتمدونا
بكفايا كدا .. متعددا
دا كبار وصغار متنكدا
كلمه بسيطه منغير زيطه
الناس نايمين جنب الحيطه 
فرحهم واياك تجرحهم
بكفابه .. طلعتم روحهم
أحكم يا جنابو دا منابو 
قوم رد الحق لأصحابوا