لما النمل يطلعلوا سنان
والفنان ميبقاش فنان
والبلطجي يدولوا نيشان
والحمار غنوله كمان
واستغلال في كل مكان
وعواجيز لازقه سنين في مكانها
ويقولوا خُوبرآ وليهم لازمه
مع ان وجودهم عامل أزمه
وكل حاجه مقلوب حالها
وشباب تايه ياعيني عليه
شايف الدنيا سوده بعنيه
جابولوا مِقَطّْع وقالولوا موضه
وحلق وفيونكه وديل حصان
هيعمل ايه ماهو غلبان
والغلبان ياعيني جعاان
والشريف عايش عدمان
نفسي يآ ناس حد يقوللِّي
قبل مايوم يتجنن عقلي
ازاي النمله تِصبح فِيل
وأسد الغابه يبقي عويل
وابن أصول يعاني الويل
والله يادنيا تِعبنا معاَكي
لَّمآ بتاخدي الواطي وياكي
وابن الناس مابيتمناكي
ومهما يادنيا قاسيتي عليه
راضي برزقه ومآ يمد ايديه
علشان يعني عنده شهآمه
تبقي حيآته يعيشها ندآمه
طآب الواطي ماعنده كرآمه
عايش ندل خسيس ولآ هاموا
وسايب المال دايماً ذالّْوا
ولا بيهمه كرامه تتهان
ماهو في الأصل ندل جبان
وابوه رباه وماله حرام 
اما الشريف نضربلوا سلام
يموت م الجوع إلاَّ كرامته
عزة نفسه بتجري في دمه
وعمره ماعاش له وشين 
وهتودينا يادنيا لفين 
اللي متربي وقرشه حلاله
مش سايبينوا يادنيا في حاله
يايبقي حرامي يايشغلوا باله
وليل ونهار عايش محتار
وانتي يادنيا بقيتي مرآر
نقولك تاآااااني ولا كفايه 
ونقول أسرار بقالها سنين
لناس فاكرينآ مش عارفين
وتبقي فضيحه للحلوين
ويقولوا يارتنا ماقولنا كلام
لناس عارفين الأصل تمام