وتقولي خلاص 
مابقتش حبيبتي حباني
ماكنتي زمان عشقاني
واحبك ليه ؟وعشان إيه؟
وانا كنت بالنسبالك إيه؟
مجرد بس تسلايه!!!
فاكر يوم مازعلنا
وقولت مش فارقه معايه
ومافيش حب جوايه
قربنا ولا بعيدنا
انتي مجرد تسلايه!!!
ساعتها قوام افترقنا
وبكتني فى يوم عيدي
الكلمه لسه جوايه
بتقول لناري قيدي
بقى انا كنت تسلايه
وجاي دلوقتي بتصبح
عايز قلبي تاني يفتح
وكمان مره ليه تجرح
روح يلا قوام روح
مش عايزه كلام
وفيه تشرح
ليه كنت كدا معايه
كنت ليك قلب حنون
وكنت ليا كل الكون
حبي ليك حب جنون
وكنت ليا تملي تخون
وقلبي بيك كان مفتون
بكيته وانا فى عز هنايه
قولت ليا كلام كتير!!!!!!
وقضيت على الحب الكبير
فاكر دا كله مالوش تأثير
كنت الاميره وإنت الامير
موت فيا حجات كتير
ومابقتش ساكن جوايه
الخاص دا أصبح ممنوع
وف قراري مافيش رجوع
وحبك ليا مش مشروع
ماعتش فيه فى عنيا دموع
م النهايه خلاصة الموضوع
ماعتش فارق معااااااايه
ولا عادت ساكن جوايه
ولحد كدا بجد كفايه
دا جرحي منك له نهايه