منغير حبايبنا الدنيا وحشه
مهما حاولنا نحليها
سنين ولسا فقلوبنا وحشه
ولا حتى اتغير حال ليها
.. جرالك ايه بس يا أيام 
مش كنتى تنسينا الموضوع
ليالى تمر وبصحى وانام 
ولسا قلبى ليه موجوع
.. وبنسى حالى ومحتالى 
ولحد فراقهم مبنساهوش
مرت أعوام ودا عام تالى
قاعدين فقلبى مبيمشوش
.. حراقه واللا يا نار الشوق
ولا يطفيكى إلا اللقا
قلبى بنارك بات محروق
ومفيش أمل يوم نلتقى
.. تحت التراب نزلوا غاليين
وخيالهم هنا ميفارقناش
مهما تمر علينا سنين
عدى العمر ومعديناهاش