عمر البعد مايباعد بين دمى وشريانك
يكفى انك يا حبيبتى فى قلبك سامع دقاتى 
وفصيلتى بين الخلايق(رضا )عاشق ترابك
حتى قمرى يا بلدى مايحلى إلا ف سماكى
أنا الدايب فى هواكى انا اللحن لانغامك
على وريد اوتارى ساامع يا حلوة غناكى
(انت يا مصر )
لو كنت يوم درويش اتمرمغ على اعتابك
وعلى فتافيتك اعيش اتنغنغ وانا راضى
لضمت نجومك سبحتى والأمان مفتاح بابك 
وتاريخك صيت ينحكى عمره ماكان ماضى
يا مصر طريقك سكتى والحنة هى ترابك
عصفور وعينك سكنتى وغطايا رمشك الدافئ
(انت يا مصر )
يا شاهد على كلمتى يا سامع صدق دعايا
خد بأيد دنيتى مصر أرض الحباااااايب
بادعى فرحى وازمتى لبى يارب ناديااا
مصر أرض الانبيا وف القرآن ليها نايب
اطرح الخير فى أرضها اجعل إيمانها هدايا
اهدى العاصى ف أهلها وبقدرتك يكون تايب