بلدنا زيطه زنبليطه ولا نافع فيها التحويطه لو مش عاجبك إشكى لربك وقوم اخبط راسك ف الحيطه بلد الأصوات وزعيق وصوات حتى الوشوشه بالمكرفونات سك الأبواب .. وقف بواب تدخل أصوات من عقب الباب بلد الدوشه عامله مناوشه أقعد ساعتين حس بروشه بياع فاكهات وبلح أمهات وكأنو بيصحى ف أموات واليوم قاتم واللا يا حاتم إن كات أفراح وللا مياتم دا بينادى على واحد مات ودى شبكة بنت امو عنايات ودا عسكرى .. ودا سمكرى ودا بياع بلطى .. وجمبرى واحد يشترى والتانى بيبيع وفوسطيهم كلنا بنضيع وتلاقى مفيش لقمه ف الدار ويزفوا عروسه بضرب النار ناس أقوى ما فيها حناجرها ترشق فى ودانك خناجرها بلدنا زيطه وزنبليطه ميوقفهاش ولا ميت حيطه
