أنا وانتى / مطر وسحاب
مكتوب لنا / نعيش أحباب
قدرنا نكون لبعضينا / بدون أسباب
أنا المطر اللى يرويكى / ألذ شراب
وانتى سحابه بتهوٌن لى / كُل صعاب
انا قطره ومولدها / على ايديكى
أنا دمعه ومرجوعها / أكيد ليكى
انا بسمه بترقص جوه / ف عنيكى
انام وارتاح ف احضانك / فى اصعب طقس
وظلك ده بيحمينى من / حراره الشمس
سحابه وقلبى مجنونها / وادمنت السكون والهمس
ولا ف مره هانتباعد / ولا عمرى راح انساكى
وكيف نبعد وانا منك / وبُعدك عنى فيه هلاكى
أشوفك فى السماء عاااااااليه / أقول ياسحابه ما أحلاكى
انا المطر اللى داب فيكى / واتساقط مع هواكى