كلمه بالراحه بكل صراحه
النفسيه مش مرتاحه
عاوز أقول لكن مستنى 
خايف بس لتزعلوا منى
جمله وخرجت كدا على سهوه 
بنقفل مصنع نفتح قهوه
نوقف مكنه ماشيه وجاريا
ومكانها بنفتح كافتريا
مصنع إنتاجو مكفيه 
حولناه ألعاب وكافيه
طاوله ودومينو ويك وشيش
سهرات صباحى وشغل مفيش
نص شبابنا سواق تكاتك
والنص التانى بياع أساتك
نوم وكسل وشرب معسل
ونروح للعالم نتوسل
فى الأشغال محناش جادين
ورغيفنا بنجيبو بالدين
أشطر شعب يموت ف الخلف
وأجدع شعب كمان يستلف
سبب الغلا مش بس فساد
العيب فينا بردو يا ولاد
مبنصنعش ومبننتجش
كان نفسى أسكت ومقولش 
إننا شعب .. مبيشتغلش