حنكوره بيموت فى الكوره 
مدمن ولا صاحب بنوره
دايما بيبات ليه متعكنن 
علشان لاعب مش متمكن
بيشوف الماتش وبيحلل
ويقول مش جون كان متسلل
ومثلو الأعلى الحاج فريد
علشان بيحب ريال مدريد
قايم م الصبح ومتوتر
الماتش بدأ ربنا يستر
شوطه بتغير مزاجاته 
ويبهدل فى الست مراته
وان قالت مكسب وخساره 
يمكن يفضحها فى الحاره 
ع الليله الحلوه مش ناوى 
جاى يخطب بنتو زملكاوى
لو كان كسبان يفشخ ضبه
خسران الأكل مهش عاجبه
ياسوادك الليله يا سعاد
لو جاى مغلوب كالمعتاد
لو كوره اتخبطت ف العارضه
الليله تكون كالحه وبارده
يرجع الدار ويلطش لطش 
لو مش مبسوط من حكم الماتش