هو ممكن تسمحيلي
اني اقولك كلمتين 
كلمة قالها قلبي ليكي
شايله جوه من سنين
وكلمة نفسي اقولها دايماً 
بس خايف اكون حزين
انا هختصر كل الحكاية
وهتبقي هي دي البداية
ويا اما ابقي انسان واحيد
ويا اما اكون م العاشقين 
لما شوفتك قلبي دق
وقالي أسألك انتي مين 
وليه ملامحك وابتسامتك
باين عليهم مكسورين
بتداري دمعة جوه ضحكه 
وروحك وقلبك مجروحين
انا نفسي اقولك روحي فيكي
يللي خدك وردتين
يللي نظرة من عنيكي 
تفرح قلوب المظلومين
جوه قلبي كلام كتير 
بيقول بحبك من سنين
ونفسي اكون فرحه لحياتك
وامحي جرح الجارحين 
وتبقي ابتسامتك والملامح 
كلها عشق وحنين 
والعيون اللي تتدمع 
تتنسي ويا السنين
وأوعدك اني اكونلك 
طير مرفرف بجناحين
يضلل عليكي وقت الخطر
ونكون سوا م المغرمين
مع ان انا مش قادر اوصف
حبي ليكي 
وهكتفي اني اقولك 
حبك سكن جوه الوتين