أيوه الصديق بحق وحقيق
إللى تلاقيه فى وقت الضيق
ياخد بيدك وياك يساعدك
يمشى معاك آخر الطريق
واللى تلاقيه لما تناديه
وندهه واحده .. بتكفيه
يسمع لقولك ويشيل حمولك
من فوق كتافك يحط عليه
يمسح دموعك ويسد جوعك
تعطش تلقاه يبل الريق
بيشيل مصيبتك ويرد غيبتك
يطفى بكلامو كل حريق
سرك يصونه جوا عيونه
وكأنو جوا بئر عميق 
يسند يعينك ويسد دينك 
واحد وكأنو زى الفريق
نفسو عفيفه وإديه نضيفه 
أصلى وأصيل وكمان عريق 
هوا الصديق بحق وحقيق