رتب صحابك والجميع 
حسب الظهور 
واللي يبان وقت الوجع
حافظ عليه كل العصور
اما بتاع المصلحة 
ابني علية 100 الف سور
وعلمه بمليون علامه
واكتب عليهم مفيش مرور
وغربل حياتك 
وانسي اللي فاتك 
وابتدي زي الطيور 
وافرد جناحك طير ورفرف 
عدي فوق كل البحور
واللي يشيلك جوه عينه 
نورله انت الف نور
ودور علي فرحه لحياتك
اوعي تمل خليك صبور
دي الدنيا رايحه بلي فيها
وكلنا واقفين طابور 
بيجي ميعادك تنتهي 
ودي الحقيقة الوحيدة في الحياه 
عايشين يادنيا مستنين الدور