أكلنى بطاطا وشيكولاته
عيشنى معاك عيشه هنيه
أنا كلى تواضع وبساطه
وقلبى مليان بالحنيه
تدينى حب اديك عشره
واخاف عليك من هوا طاير
أنا أصلى بقدر العشره
ومحبش بالى يكون حاير
باينه ع الوش طيبة قلبك
ولسانك خالى من العيبه
عندى هتلاقى كمان طلبك
أراعيك حاضر أو ف الغيبه
إخترتك من بين العالم 
وقلبى قالى خلاص هوا
حبيتك والرب العالم
ودخلت فقلبى من جوا
هديلك عمرى وحياتى 
ونجيب أولاد ونربيهم 
وانتا اللى هتسعد أوقاتى
ونعيش عمرنا نفرح بيهم