حادى بادى كرنب زبادى
الناحيادى وللا الناحيادى 
معلش بنتكلم عادى
نفسى أقول فى ناس تعبانه
وناس تانيه جيوبها مليانه
ناس عندها فيلات وبيسين
وناس جعانين جنبها باصين
نفسى أقول ومكونشى بكذب 
إن محدش فينا متعذب
إن مفيش حد هيخمك
ولا ظابط هيقول ياروح امك
نفسى أقول فيه ناس غلاطه
سايقينها فى الدنيا عباطه
ياهل الفن الرحمه شويه 
أعمالكم جايبالنا أذيه
تحكوا فيها بالمليارات
عاملين لنا كلنا إحباط
نفسى أقول للواد عبد الله
قوم ياحبيب امك اسمله
نفسى أقول مفيش احترام
والزوق أصبح بالجرام
نعطف بقى ع الست سكينه
بتربى يتامى ومسكينه
بتدور وياعينى ماتلاقى
واحنا يوماتى بنرمى الباقى
نفسى أقول وأقول وأقول
نحن بلاد اللا معقول