بلح النخل فى العالى 
وهوا دا عيبه 
مبنقولوش تعالالى 
بنتعب علشان نجيبه 
الحياه ياولدى كفاح
والشاطر يجيب المال
ويعيش سعيد مرتاح
لو حتى كان زبال
يامكتر حججك والأعذار 
وكل حاجه تقول مقدرش
خلى امك تعملك زار
تقوم م النوم قاعد ع العرش
وحياة أبوك تسكت بلا خيبه
فين العمل فين الإخلاص
لو مش خايف تبقى عيبه 
كنت اقول عنك هجاص
أنا مبحبش الكسلان 
والنايم على صرصور ودنه
ليل ونهار يشكى وزهقان
ومربى الشحم فوق بدنه