من يوم ما شوفنا الدنيا
واحنا مظلومين 
تايهين بنمشي في ضالمة
وخدانا السنين
والاسم في شهادة الميلاد 
تحت بند المحرومين 
دنيتنا بقا فيها العجب
اكتر من عدد البشر
معتش فيها ذرة أدب 
والظلم بقا مرض انتشر
والكدابين والنصابين
صبحوا خلاص باشا وبيه
واحنا اللي نبقي مسجونين
وللاسف معرفش ليه
وفي كل حته مليون سلام 
مليون تحيه
بغشة يدوس علي الغلابة
واحنا الضحية 
مهو لما يبقي ناس كتير 
بالشكل دا 
تموت القضية 
ويفضل بردو الواطي عالي
مهما اصلا ملهومش غالي
ويفضل احنا زي محنا
بحزننا ولا حد داري
وقالوا في الأمثال زمان
الناس معادن 
فيها الدهب فيها الحديد 
فيها اللي قلبه كله طيبة
فيها اللي احساسه بليد
فيها اللي بايع دنيته
مهو طول حياته مفيش جديد 
فيها اللي قلبه من حجر
ومفكر ان الناس عبيد
فيها اللي حواليه الف واحد
ووسطهم عايش وحيد
مسجون في حلمه
مستني يوم يبقي سعيد
ومات الحنين
وزاد الانين 
وشكلنا ملناش حقوق 
مهو من زمان متسجلين
تحت بند المحرومين