أطرش وماشى فى الزفه 
شايف ولكن مش سامع 
بيعد اللفات كام لفه
باينو عندو زكاء لامع
باصص على الكل وشايف 
فاهم وشكلو باين عليه
وبيقرا كلام الشفايف
يعرف تقريبا بتقول إيه
ع المسرح واحد بيغنى
وبترقص جنبو رقاصه
هوا بيقول غصبنعنى 
وهيا بتتمايل بمياصه
وابو لاسه طالع بينقط
بيقول كلام وترد وراه
بيعد المبلغ ويفقط
شايف مع إن التانى داراه
واحد ماشى بيفرق 
بيدى لناس ويسيب ناس
واللى مخدشى بيبرق 
بيسأل ليه وعلى أى أساس 
واحد بيحسس على جيبه 
دا باينو فاضى ومفيهوش
واللى راح مين هيجيبه 
ضاع منو خلاص الكام ملطوش
ناس بتفكر سرحانه 
وناس شكلها كدا نبريصه 
نص المعازيم مش فرحانه 
والنص التانى عامل هيصه