إبني الوحيد اللي كنت فاكره
ليا ضهر وسند
اللى فرحت بيه والدنيا معايا 
رقصت يوم ماتولد
اللى كنت فاكر ان ضهري بيه
اشتد عودى وإتسند
كل راح فى لحظه وضاع
مره واحده حسيت بضياع
ابني الوحيد ليا راح وباع
##إبني الوحيد##
نسيني وانا فى أشد الحاجه إليه
.نسي أبوه وأمه اللى حنو عليه
نسي شقى السنين اللى كله كان ليه
حد يرد يقولي أنا قصرت فى إيه؟
##إبني الوحيد عشانه##
كنت بستخسر فى نفسي أى حاجه
عشان أجيب له هو كل حاجه
عمر نفسه ماكانت يوم محتاجه
طلعنا إحنا فى الأخر ولا حاجه
العيب فى مين حد يرد وقولي؟
فى حبي الزياده اللي كان له تملي
كان ديما معايا مرافقني كضلي
كان شمسي وهوايا ووردى وفلي
كان كل أمل اللي فى الدنيا فاضلي
##إبني الوحيد##
بعد طول السنين
شوفت منه القساوه بدل الحنين
خلا قلبي اللى حبه مكسور حزين
هشكي وشكوتي أقولها لمين
مافيش غيره هو رب العالمين