اكتبيني غنوة حلوه تبقي غنوة عاشقين تبقي ذكري في دنيا قاسية مهما تبعدنا السنين وارسميني طير مهاجر فوق سحاب العاشقين كان نفسه يفضل جوه عشه كان نفسه ما يبقاش حزين مهو الفرح لو دام معايا ميدومش إلا غير يومان والحزن صحبي لو بعد بينده عليا انت فين انا حد عايش جوه دنيا متحوطه بأربع حيطان كل اللي فيها قلوب قوية جاية اوي علي الغلبان وان جم في يوم وهيسألوك ميسألوش غير عن زمان عن الماضي وعن اللي كان عن عمر ضاع من غير تمن عن عشرة فيها الكل هان يبقي خلي الذكري حلوه يمكن ينسانا الزمان
