الواد صلاح واختو انشراح 
بيفكرونى باللى راح
نفسى فمكان زى زمان 
وناس بحبهم جيران 
نفسى حبه ف المحبه
نفسى فطبق قشطه ومربه 
نفسى فراغ حواليه فراغ 
ونص رطل بقرش صاغ
نفسى فسوا نفسى فهوا
نفسى أعيش منغير دوا
أشوف محبه فى العيون 
أسمع فقط صوت السكون
فات اللى فات والجاى جاى
مقولش ليه ولا اقول ازاى
نفسى أعيش وانا بحيائى 
مخافشى م اللى جاى ورائى
أحب أهلى وكل ناسى
متكونش عينى فوسط راسى
مين كمان بيقول فنفسو 
يقوم كدا يسمعنى حسو