قوم ياللى فاهم قولنا
الرتم مالو ليه سريع
إيه اللى جارى من حولنا
إحنا فخريف وللا فربيع
خلاص دا عصر اللى بيلحق
ممعاكش هتروح ف الكازوزه
منتش مذاكر ملكشى ملحق
وخلاص ملكش معانا عوزه
دخلنا عصر نفسى نفسى
رجلك على البنزين ودوس
متقولش عاوز آخد نفسى
أصل النفس بقى بالفلوس
قوم من بدرى لمتلاقيش
هتيجى تلاقينا كلّنا
لو عندك نيه انك تعيش
بردون فى ناس قبلك هنا
إلحق يا صابر قول لجابر
وتعالى نلحق حجزنا
كلو اتحجز حتى المقابر
حتى أماكن دفننا