صعبان عليا قلبي ومعاه حالي
من الحب وعذابه واللي جرالي
اروح لمين احكيله همي واشكي
وعلي غدر قلبي افضل علشانه ابكي 
ومين هيحن عليآ ويداوي جروحي
ويواسيني ويصبرني انا وروحي
آاه ياقلبي آاه وآه ياألمي ونوحي
اللي حبيته واخلصت ليه خدعني وجرحني 
وكان قآسي حطم قلبي وبغدره دبحني
رغم إني حبيته اكتر من حبي لنفسي
وكان حبي ليه حب مهواش موجود 
لا في الكتب ولا حتي في الوجود
عشقته عشق جنون ماله حدود
خلاَّ قلبي إنهار ودقاته بس ليه
وجنن عقلي وكل الفكر كان فيه
كنت فاكراه هيقدر ويصون حبي
لما اديته كل دقيقه كانت في عمري
وكنت ليل ونهار شيلاه في قلبي وعنيآ
وگانت أوقاتي ليه كلها حب وحنيآ
ويخساره ماطمرش فيه ولا حس بيآ
ليه يازمن تقسي علينا وتظلم قلوبنا
وبناس قلوبها زي الحجر ليه بتوعدنا
نفرشلهم الأرض بالحب والحنيآ 
وهما يفرشوها لينا بالغدر والأسيه
وتخلي حياتنا معاهم نار وجحيم
واحنا اللي كنا بنتمنالهم كل نعيم
اخلصنا واوفينا في حبنا معاهم
وغدروا بينا وشربنا كاس المرار وياهم
لما كانوا بيحتاجونا يلاقونا بشوق وحنين
ولما نحتاج اليهم نعاني العذاب والأنين
قلنا قدرنا ونصيبنا وصبرنا عليهم سنين
واتحملنا الهجر والعذاب والضنا ودموع العين
اتاريهم لايفين علي غيرنا وطلعوا بينا غدارين
واحنا مخدوعين فيهم وف امرهم محتارين
ليه يازمن بتوعدنا باللي مابيحسوا بينا ويعذبونا
وليه تخبي يازمن علينا قسوة قلوبهم اول مايقبلونا
وتحرمنا من اللي شاريين الود والوصال وبيتمنونا
وإكشف لينا يازمن القلوب واوعد كل حبيب بحبيب
خلي الحب يملا الكون وگل حبيب لحبيبه يعيش قريب