دقيت باب السعادة 
ورنيت عليها الجرس 
فتحتلي جراح بتضحك 
وقالتلي روح اتوكس 
اوعاك تكون فاكر 
إنك هتفرح يوم 
زمن السعادة انتهي 
والفرح زمنه خلص 
الناس 
الناس ع الدُنيا ملهوفة 
والدُنيا عليا محدوفه 
معملاني كما الثوووور 
داير في حلوفه 
العين مني معصوبة 
والإيد كمان مكتوفة 
بلف في دايرة مقفولة 
ومش لاقي ليها نهاية 
ببدأ حيثُ إنتهيت 
وبنهي من مكان ما بدأت 
وهي دي كُل الحكاية 
حكاية ثور 
الناس ع الدُنيا ملهوفة 
والدُنيا عليا محدوفه 
ما تتوصاش معايا بجد 
دي ظلماني لأبعد حد 
سارقة مني الفرحة ديماً 
وهجراني و في عذابي
وجرحي بس هي تود 
ما بتحبش تشوفني 
سعيد ولا فرحان 
وبتبكي عيوني سنين 
لو يوم ضحكت 
عذبتني بكل شكل 
وكل لون ومنها خلاص 
بجد يا ناس أنا تعبت 
ولما سألت إيه ذنبي ؟؟؟ 
أنا إيه ذنبي ؟؟؟ 
لقيتها عليا ما بترُد 
قالولي اضحك لها تضحكلك 
قالولي اضحك لها تضحكلك 
ضحكت عليها وضحكتلها 
عشان تضحكلي ما ضحكت 
وقالتلي دي ضحكة عرفاها 
مهيش من قلبك 
وزاد ليا العذاب أضعاف 
طب أعمل إيه؟
طب أعمل إيه؟ 
وأنا عايش وشايف نفسي 
متحمل علي الاكتاف 
طب أعمل إيه؟ 
وأنا ميت وفيا الروح 
طب أعمل إيه؟
وأنا من بره صخر جبااااال جبال 
ومن جوايا كُلي جروح 
ما حد يروح ما حد يروح يوصيها 
يعرفها إني واد غلبان 
ما حد يروح يوصيها 
تقبل ضحكتي مني وأنا زعلان 
وتخف عذابها عني يومين 
يومين وأنا هضحك 
وأنا هضحك وأكون فرحان 
ولما أضحك تسيبني أضحك 
ما تقلبهاش معايا بغم 
م أنا بردو يا ناس إنسان
ما حد يروح يوصيها 
وبزيادة يا دُنيا الهم 
وبزيادة بقي أحزان 
ما حد يروح يوصيها 
ما حد يروح يوصيها 
قولولها الحِمل زاد حِمله 
وأنا ما بقِتش متحمل 
قولولها المُر مالي كاسي 
وشارب بردو ومكمل 
قولولها تشيلني من راسها 
قولولها أنا مش وحيد ناسها 
دي ناسها يا خلق مالينها 
قولولها عذابها شيبني 
واللي يشوفني يديني 
أنا ضعف السن فوق سني
قولولها عذابها شيبني 
ورغم الظُلم والتجريح 
أنا عايش وبتجمل 
أنا عايش وبتجمل 
قولوها عيب اختشي 
قولوها عيب اختشي 
ولا الخِشي مش طبعك 
قولولها عيب اختشي 
ده أنا مكتفي من وجعك 
قولولها تحس لو مرة 
ب اللي بيا من جوه 
وتسيبها م اللي من بره 
قولوها تحس لو مرة 
وتحلي ليا أنا أيامي 
ده أنا نفسي أدوق طعم الحلو 
حبيت أحلي أنا أيامي 
حليت الأمر أنا ب المُرة 
حليت الأمر أنا ب المُرة