في يوم من الايام من سنين وسنين فاتت عليآ
جميله والسحر في عنيها مليان حنيه
مش عارف إن گانت حوريه ولاَّ إنسيه
ولاَّ گان حلم جميل ياما اتمنيت احلمه
واعيش معاه بخيالي وأنا وقلبي نصدقه
ومن يومها انا وقلبي بيها مشغولين
لمآ عدت عليآ إبتسمتلي إبتسامه مليانه شوق وحنين
ومعاها نظره مليانه عشق وغرام وراحت
ومن يومها عيني لنظرة عنيها مش ناسيه
وگانت من غير كلام إتقال بس عنيها ياما قالت
وانشغل قلبي وتاه فكري وغاب عني بالي
ولحد الوقتي مش عارف عملت إيه فيآ وإيه اللي جرالي
ليل ونهار محتار مش عارف إن گان قلبها ليآ مال
وياتري بتفكر فيآ هي كمان وانشغل معاها البال
وياتري هي مين والقاها فين علشان ترحم الوجد اللي بيآ
فين هي ابعتلها روحي توصفلها عملت ايه فيآ
يمكن تصبرني وتريح بالي وتشفي عليلي
وتطفي نار شوقي وترحم سهدي طول ليلي
ولو عشقاني زي ماعشقتها ليه راحت مني ومن غير كلام
ولو گان حلم ليه بقاله سنين وسنين عايش جوايا
وان گان حقيقه اجيبها منين ولمين اشكيلوا هوايآ
وليه ياقلبي من نظره تعشق وتعيش في أحلام
ومين هيداوي جرحك ياقلبي لو طلع حبك گان اوهام
وانتي ياقداري ان كان حبي حقيقه خليني اقابله او يجيني
وبلاش تعذبيني وتخليني اعيش عمري عطشان واملي يرويني
وانتي ياقداري لا تحيريني ومن نار شوقي ارحميني