يا عم يا سمسار من فضلك استنى ألاقى عندك دار تشبه كدا الجنه متكونش فى كوكبنا خلاص كدا تعبنا شوفلى كوكب مرتاح مفيهوش مصانع سلاح ولا مخترع بارود وحواجز على الحدود ولا دبابات ولا طيارات ولا كل يوم أموات أعيش فى كوخ على نهر وسط الجبال والصخر ولاشيلش فيه الهم واشوفش لون الدم الأرض خيرها كتير ولا فيه غنى وفقير ولا لص وحرامى ولا فعل إجرامى مسمعش صوت ولا حس غير ناس بتضحك بس مشوفش فيه إنسان قاعد حزين غلبان لا متخانق مع جارو ولا حد اتهدم دارو ولا نيابه ولا حكومه ولا ناس عايشه مظلومه شاورلى بس عليه وخد حسنتك فيه ياعم يا سمسار ممكن ألاقى دار ؟
