هحب سته الصبحيه 
وسبعه آخر النهار 
وهنام ساعة الضهريه 
مش هغلب ولا هحتار
ولا هزعل ولا هدايق
مهما الأيام تعاكسنى 
واقعد مع نفسى ورايق 
ومفيش حاجه تنكسنى 
هغسل واطبخ وأنضف 
وهقوم بشغل البيت
وآخد حمام واتشطف
واكتب ع الفيس وهظيط
وهقوم بالليل واتعشى 
وأنزل الصبح اتمشى
وشوف أفلام قديمه 
واضحك على شغل السيما
وهصاحب الأحلام
واغرق ف الحلم وانام
مش لازم بردو أدقق 
كل المطلوب يتحقق
إنشاله نص ونص
كفايه شويه وبس
مش راجع تانى ورائى
بكرا هيجيلى الباقى
هعمل أى الأشياء 
ومحسش باستياء
يانا يانتا فيها يا يأس
لو تتحدانى لا بأس