أنا مستنيه
أسمع منك كلمه * *
تفيض بالحنين
تقولى روحى
عاشقه لروحك. * * *
ياحبيبي من سنين
يومها قلبي يفرح بجد
أقسم وأحلفلك يمين. * *
إن اللى فات من عمري قبلك
مش محسوب م السنين
وتكتب لى أحلى قصيده. * *
تفرح قلبي الحزين
إنت عارف ياحبيبي 
تبقى بالنسبالى مين. * * *
تبقى روح ساكنه روح
قلبها فاض بالحنين
تبقى لحن بنغمه حلوه. * *
وكلمات متقسمين
تبقى نور نور حياااتى
فى ليل مظلم دفين
تبقى جنينة حب طارحه * *
ورد وفل وياسمين
لسه عايز تعرف 
إنت بالنسبالى مين. * *
إنت دنيا جديده حلوه
نفسي أعيشها كل ثانيه. 
نفسي تتحقق أماني. * *
وتبقى ليا أحلى دنيا
عرفت ياحبيبي
تبقى بالنسبالى مين. * * *