لو بإيدي أطوي الزمن 
واغزل نجوم الليل عقود
واخدك ونهرب للقمر
ونهد بأدينا السدود
لو بإيدي اروح معاكي
فوق حدود كل الحدود
لو بأيدي كنت ابني
قصر فوق ابعد سحاب 
كنت اعيشلك انتي وحدك
ويتمحي كل العذاب
حتي لو طيفك قصادي
مش هاحس انا بالغياب 
لو بإيدي كنت اجيب 
كل البشر رهن الاشارة
وتؤمري وتتحكمي 
يا رمز من رمز الحضارة
كنت اعيش في بحور عنيك
والرموش تبقي ستارة
لو بإيدي 
بس انتي عارفة اني انا
مملكش غير حبة مشاعر
صحيح بتملي الكون امل
وبحب قلبك قلبي شاعر
بس اللي ايدي بتملكه
مكتوب لغيرك وميكونش شاعر
انا لما بفتح صفحه بيضه
وامسك قلم بكتب بحبك
من غير ما اشوف
ولما اشوف الكلمه مكتوبة باديا
بشعر بخوف 
مش خوف عشان 
حبيتك انتي وقلبي مال
الخوف دا كله م اللي جي
ومن الظروف
انا نفسي اقولك
سر عني واعرفية
انا قبل ما اعرف حبك انتي
قلبي كان تايه ما فيه 
احساس بشيئ 
او حتي كان عارف ايه بيه
ايوا بحبك بس مغلول الايدين
سامحيني مهما يكون
وبعدتنا السنين 
خليكي عارفه لو بأيدي
كنا عيشنا فرحانين
ومتزعليش مني انا
مهو دا الي مكتوب ع الجبين
مكتوب علي قصتنا تبقي
زي قصص العاشقين 
ولا قصة كملت 
ولا عمرهم داقو الحنين