لما أبص ألقاني فى لحظه
أنا فى حياتك مجرد لحظه
وتعدى كدا وخلاص
هو خلاص مابقاش إخلاص
ولا مات جواك لإحساس
وعلى الحب بقى ينداس
مش كان بينا الحب أساس
ولا أنا مجرد لعبه
والإخلاص دا مسأله صعبه
أنا ياحبيبي كنت النعمه
والكلمه الحلوه الناعمه
بكره تحس وتعرف إني
كنت الشمعه اللى بتضوي
فى ليل لياليك
كنت بايعه الدنيا بحالها
وشيفاك إنت سر جمالها
كانت كل مشاعري أنا ليك
كنت بروحي نفسي أفديك
وباقى حياتي ليك بهديك
كنت دنيا أنا حبيتها
وفى كل لحظه أنا حجيتها
وإتمنيت عتبة بيتها
ياترى مين حب التاني
مين فى حبه كان أناني
كنت تقولي بتتمنانى
وتبيع الدنيا عشاني
كنت ههد البيت المبني
علشان أبني بيت مهدود
كنت هضيع عمر بحاله
علشان انت تكون مبسوط
بجد قسمت قلبي إتنين
ومش عارفه انا رايحه لفين
بقيت كدا خلاص نصين
والقلب أصبح حزين
والفرح راح أجيبه منين
ماليش غير رب العاللمين
قادر يداوي جرح دفين
مغروز فيه مليون سكين