مش عشان سلمت 
قلبي وروحي ليكي 
م البداية
ووهبت ليكي حياتي كلها 
للنهاية
يبقي تهددي كل يوم
بالانسحاب
لاء ابعدي علي فكرة 
مش فارق معايا 
انا اتحلمت فوق طاقتي 
عشان خاطرك
وشيلت هواكي فوق راسي 
ودا لحبك
وقولت اهي بكره تفهمني
وتتعلم
ويا خساره ماشوفتش غير
ظلام قلبك
مكنش النوم بيعرف فين
طريق عيني 
وكنت اسهر ليالي طوال
علي راحتك
ومطلبتش غير انك بس
تديني
شعور الحب بس يكونلي
من قلبك
وكنتي تروحي وبتيجي
ولا عملالي اي حساب 
تردي الحب بالقسوة
حضورك عندي كله غياب
وكنتي عايشة ايامك 
كأني شيئ علي الهامش
وكنتي تغيبي بالايام
كأني مت مش عايش
وكنتي بتوعديني كتير
وما بتوفي
وعقلي تعبني م التفكير
وبيكفي
بيكفي مذله لقلبي وحياتي
ولازم تنتهي المحنه 
واصون ذاتي 
وبالنسبالي انتي خلاص
كفاية ضياع في اوقاتي 
انا شوفتك علي حقيقتك
وزي ما بعتي انا بعتك 
ولا هبكي ولا هحزن ولا هندم
ومش سيبتيني انا سيبتك
كرامتي اغلي شيئ فيا
ومش محتاج لحنيه
لانا مكسور ولا عاجز
ولا عاوز دوا ليا
وهشطب كل شيئ ليكي
وتبقي صفحة مطوية 
وزيك زي اي غريب
ملوش عندي اهمية 
منا عمري ما هبكي عليكي
عشان انتي انانية