لو يعلم اللى بنى 

مين ساكن اللى بناه
عايش فدارو فهنا
ومات والشقى وياه
واللى أشترى من كام سنا
واللى رمالها أساس
تعب ماشاف ساعة هنا 
واتهنوا بيها الناس
بنى ابن آدم وعللا
بيوت فلل وقصور 
أخد منها وما خللا
قبر وملوشى سور
تبقى الحيطان وتعيش 
من بعد بانيها
حتى البيبان والشيش
فاكره اللى آنيها
تذكر يا صاحبى اللى راح 
ساعة بنيت دارك
والسعد والأفراح
وساعتها مين زارك
لو شفتها تبكى 
أخدوها ناس أغراب
تسمع حيطان تشكى
ع اللى بناها وغاب
الطوبه واللى بناها 
بينهم كدا حكايه
غنوه .. وغناها
وبدايه .. ونهايه