حسان أخو حسنى 

وحسنى أخو حسان 
واحد مفلسنى 
التانى طالب إحسان
أصل الأبو واحد 
والجد من قحطان
ولحافى أنا قصير 
كل ما بتدير
راسى يا رجلى تبان
شديت حزام وسطى
بس اللسان بردان
بدعى وقول يارب 
يخلص زمان الحرب 
ضهرى انكسر م الضرب
ملعون أبو دا زمان
حسدونى على حالى 
ويقولوا عقبالى 
يبقالنا سيف وحصان
يا عمر ليه بتجرى
راكب ليه المجرى 
إستنى ساعه كمان
دا قالولى في القادم 
راح تبقى بنى آدم 
وجايز تكون إنسان 
حسان أخو حسنى 
وحسنى أخو حسان