يادنيا عيب خلاص 
ماعنتش 
مصدق وداني ........
ليه كل يوم 
يادنيا 
مصباحني ...
على كذبة حلوة 
وف المسا حرقة 
دمي معذباني .......
بقيت يادنيا 
زي الفراخ ليل نهار
عمال اكاكي ........
نفسي أبيض 
نفسي أعيط 
نفسي ف حاجة 
تسعد حياتي ........
آه من الألم 
وآه من حياتي 
بقيت مشاع 
بقيت شراع 
لكل واحد 
في الدنيا هاوي ............
يادنيا عيب 
خلصت 
دموعي ...
ودمي جف 
داخل 
أوردتي وشراييني .....
لصالح مين دا يادنيا ؟؟ 
كل العذاب 
اللي أحنا فيه 
ردي عليه 
عايزك 
تجاوبي 
على سؤالي ......
عايز أشفي 
نفسي 
عايز أنام 
مرتاح ضميري .....
ولا السؤال 
حُرم يادنيا 
ف الزمن دا 
وأحتاج 
تمليص وداني ....