شايفك وبترمى زباله هناك 
والكاميرا باصه عليك شايفاك 
شكلك مش حلو ف الصوره
إنتا والحلوه الأموره 
متشيك ولابسلك بدله 
وبترمى قدامنا الفضله
وانتى يا ست يالابسه نقاب
زبالتك اهه قدام الباب 
نضفى واكنسى حوالين دارك 
وارمى زبالتك قدام جارك
بتزيحى زبالتك كدا زيحه 
مهو بردو هتشمى الريحه
ومكسله ترمى فمكانها
ترمى وخلاص جنب جيرانها
ياسلام ع التقوى والإيمان 
قدام الناس ماشأله جنان
ليه بس واحنا لوحدينا 
غيرنا والناس من حوالينا 
لو منتش م العالم خايف 
طب خاف من ربك مهو شايف