على عهدى أنا وكلمتى
شايل فقلبى محبتى 
ماشى على درب الوفا 
والصبر من صبرى اكتفا 
واشهد واقول لدول ودول
مهما بنا الأيام تطول
راضى بنصيبى وقسمتى 
من يوم مافات حضنى وراح
والقلب مليان بالجراح
كاتم ف قلبى لوعتى 
وبيدى بمسح دمعتى
القلب من شوقو استوى 
وحكايتى يحكيها الهوا
نهارى ويل وليل طويل 
سهران ساعات والنوم قليل
وقلبى صار يقول أشعار
تزيد فالقلب لهيب النار 
وينكم ياكاشفين الحجب
أنا سعدى من يومها اتحجب
لسا اللى عدى سنين يدوب 
والخطوه تاهت ف الدروب 
على عهدى أنا وعلى كلمتى
شايل فقلبى محبتى