جارى التحميل
استخدم زر ESC أو رجوع للعودة
يا مراكبي افرد شراعك
يلا بينا من هنا
وديني يلا بلاد بعيده
تكون غريبه عننا
يمكن نلاقي فيها روحنا
اللي تايهه مننا
ولف بينا بلاد كتير
ان شالله نقعد 100 سنه
وانت يا بحر خليك حنين
بلاش بموجك تخضنا
انا نفسي اقولك ع اللي بيا
واقعد احكي قصتي
اصل البشر دول غدروا بيا
سجننوني جوه وحدتي
طب اقولك ايه ولا احكي أيه
وازاي راح اشكي بلوتي
انا كنت واحد ضحكته
كانت بتملي الكون فرح
وهو ماشي في سكته
قابل قمر قلبه انشرح
مكنش يعرف انه هيجي
اليوم عليه وينجرح
مهو لما حب وقلبه سلم
في عز فرحه اندبح
ووهبت ليها كل شيء
روحي وحياتي ودنيتي
وخانتني ويا احسن صديق
وسرقوا مني فرحتي
بصيت لقيت انا الغريق
في هموم وقسوة دنيتي
يا بحر خدني ابعدني
عن كل البشر
ما شوفت منهم غير
دمار مرض اتنشر
ناسيين بان الكل رايح
ومفيش من الموت مفر
