ياوحشني رغم حبك في قلبي معذبني وغرامك محيرني
طب ليه بتبعد عني ياحبيبي وسايق عليآ دلالك
وليه شاغلني بغيابك ومش عايز حتي تطمني عن حالك
تعبت من كتر هجرك وخصامك وكإن عذابي بيهنالك
مش عارف ازاي ارضيك ياحبيبي ابعد عنك وانساك
طب لو نسيتك ياحبيبي ازاي هقدر انسي حبك وهواك
ارحمني ياوحشني بوصالك وريحني وصون ودك وودادك
هو ليه عذابي بيهنالك بعد ماكنت زمان كل احبابك
الليل صعب عليا ياحبيبي في بعادك والسهر طال علشانك
والعين بتبكي والخدود بتشكي ظلمك وأساك
ورغم اخلاصي في حبي وانشغالي بهواك القاك بتزيد في عنادك وجفاك
لا انت بتصارحني ان فيه حب تاني شاغل بالك ومغير حالك
ولا بتصبرني وبتديني الأمل اني لسه حبيبك وشاغل خيالك
قولي ياحبيبي وريح بالي وطمني عن قلبك واحوالك
انت ناسيني ولآفاكرني وفاكر وعدك وعهدك لما هواك شغلني
ولآ قلبك راح لغيري وهيفضل حبك وغرامك معذبني
ان كان حبك لغيري هيهنيك وهيسعد ايامك وهتفرح معاه اكتر مني
هسيبك لحبك وافضل انا وذكرياتي ورغم حرماني هفرحلك غصب عني