إزاي بتوحشيني وانتي معايا ياحبيبتي وقلبي دايماً ملهوف عليكي
إمته تفرحيني بقربك وتجيني وعيني تحضن علي طول عنيكي
إتعودت ياحبيبتي خلآص عليكي 
وانا وقلبي دوبنا فيكي
دا أنا لمآ عيني بتيجي فعنيكي بلاقي نفسي تايه وبقيت ملك ايديكي
ونعيم هواكي من يوم ماحبيتك مغير حالي ومسهرني الليالي
وحبك شاغلني ليل ونهار وطيفك سارق فكري وخيالي
ولما بتبعدي عني بيصعب عليا حالي والقي دموع عيني وقلبي منهار
النعيم والهنا والحب كله شوفتوا معاكي وبعيشوا لمآ بكون بقربك
ولما بتغيبي ثواني بتوحشيني كإنك غايبه سنين والآقي الفكر محتار
مانتي حياتي ودنيتي وروحي وحبك من زمان ساكن بقلبي وبين ضلوعي
ياريتني من عيون كل البشر أقدر أخبيكي ياحبيبتي بين سواد ونن عيني
يابسمة حياتي ومفرحاني ومعيشاني بالأمل في الجنه ليلآتي معاكي
وان غبتي يوم عني تغيب شمس نهاري وافضل حيران في امري وف هواكي
والآقي بعدك واخدني للعذاب والضنا ويزيد خوفي ييجي يوم وقلبك ينساني
من يوم ماحبك ملكني وانا حاسس بقلبي في حبك انتي وحدك أصبح اناني
وع الهجر ياحبيبتي لآ بقدر اصبر ولآ بقدر استنى وبلقي نفسي تايه بين
الأحزان
ولما بتوعديني بجمال قربك باسهر مستني الليل يجمعنا
واقول خلآص الحب جاني ومعاه السعد والهنا
ويفضل ميعادي معاكي ياحبيبتي هو الأمل كله والأماني
واتمني العشق والغرام يفضل مفرحني ومايفرق بيني وبينك يوم الزمان
ونعيش أحلي أيامنا وغرامنا ونحقق ياحبيبتي أحلام شبابنا وأمانينآ
وافضل انا وشوقي سهاري الليل نترجي القمر يفضل معانا والنجوم تنور ليالينا
والشوق يفضل غالبنا والهوي مدوبنا ونتمني الليل علينا يطول وما يعدي
والود بينا والوداد يديني الأمل وازرع ورد وزهور الحب بساتين فرحان بيوم لقاكي
واشوف كل شئ حواليا جميل ونسيم الهوا متعطر بعطرك ياملاكي
اوعي تبعدي عني ياحبيبتي وخلي الفرحه عايشه في عنيآ والكل حواليا عُزاز وأحباب
ونور حبك يفضل منور حياتي ودنيتي ولا يكون بينا ابداً يوم غياب