حذر قدر قرار صدر

تعبنا ليه بيروح هدر 
الحلو مر ان زاد يضر
سمعنى يابا خبر يسر
عيبى الأساسى مش دبلوماسى
لوقلت ناسى يوجعلى راسى
وبلف وادور واركب حنطور
كلام وبملا بيه سطور
أمانه عليكى يا أمينه 
عقلى معاكى حتة عجينه
محتاج منك حبة تشكيل
يهدى ويسكت لو فاض الكيل
وعلميه يكون ريلاكس
لما يحاسب سواق التاكس
إوعى تخليه شعنون مجنون 
عاوزين أهدى إنسان ف الكون
ورقى وياكى وقراطيسى 
ونيمينى نوم مغناطيسى
قدر ونصيب وكلام كراكيب
محتاج منك إعادة تركيب
بدل حروف كلمة ظروف
تعديل بسيط تصبح خروف
هاتيلى شاى يا معلمه 
وقهوه ساده ومقلمه
متفكرنيش بقى باللقلام
يخرب بيت أم الكلام