كتمت جوعي حبست دموعي
وكلام في قلبي ماقولتوش
طويت ضلوعي طفيت شموعي
وحتي عطشي ماطوعتوش
خبيت السر جوايا
شكيت للبحر عن حالي
مشيت السكة ومعايا
قمر منورلي ليالي
ماكنتش اْعرف إن القمر غدار
والدار ماهش داري
ماشافش حلمي في الحقيقة نهار
وخيالي كان سارح باْفكاري
وبنكسر عشان الوحدة ضعفاني
وبعتذر لكل قلب ماجرحتوش
اْكيد هاْبعد وهتغطى باْحزاني
واْنام على الوجع المفروش
-
وليه انا قلبي مش عايز
يجيبها البر ويبطل
مابين يمكن وبين جايز
يموت اْو حتى يتعطل
عن الإحساس عن التفكير
مافيش ضربة هتهزمني
اْخدنا ياما منها كتير
ومشاعري ياما بتقسمني
وتفطعني وسط الاْيام
نصين مابيتقابلوش
نص بيشبهني تمام
والتاني مابعرفوش
-
ياللي إنت فيا مش انا
لإمتى فيا هتتحكم
تعرف بقالي كام سنة
انا ساكت وانت بتتكلم
علشان كلامي بيقطع
وبيضيع في غمضة عين
في دنيا الظلم بيبرطع
موزع ع الرقاب سكاكين
عشان دا كله فيكي إتخبيت
ونسيت اللي راحوا ماجوش
وكاْن حضنك بيت
فيه الوجع مفروش