ولا بخون ولا احب أغدر ولا بسيب العشره تضيع وبتسامح على قد مقدر عندى الغفير زى السفير لكل واحد مكان فقلبى مدام إنسان ماشى بضمير لا يداري فقلبو ولا بيخبى ولا بفكر فى اللى فات وأملى دايما فى اللى جاى ولا أستمع أى خرافات لو اتوجع مبقولش آى أرضى بقليلى ومش طماع مقولش ليه ولا حتى اشمعنى غنايا وفقرى فى اجتماع عندى القناعه مبدأ ومعنى محبش اللى بخمس وشوش قدامى بوش ورايا بالتانى ولا احب نظام حلق حوش وعمرى ماكنت إنسان أنانى وبحب الخير لكل الناس حتى لو .. محبوليش واعامل الكل بإخلاص واصبر عليهم ومشتكيش قول للجميع انا مش ببيع ولا بخون ولا احب أغدر ولا أسيب العشره تضيع وبتسامح على قد مقدر
